影片
更多
2012-06-23
34 浏览
有些微潔僻者可以唔洗睇落去.無論從哪一條電梯，升降機，樓梯上北河街街市二樓嘅熟食中心都係非常非常之污糟。上到去你會發現環境一樣不堪入目，大排檔嘅食客會肆無忌憚地食煙，吐痰，高談闊論，頭上嘅數十部冷氣機沾滿油污，好似下一秒就會滴到你嘅頭上...需要排除萬難去追求嘅當然有一定嘅價值. 今次係為左要試呢間越南餐廳嘅咖啡。未坐定就叫左一碗香茅豬扒配風沙雞翼撈檬，連越式滴滴咖啡($28; 滴滴咖啡唔洗加錢!)大大碗嘅撈檬先送到. 香茅豬扒鬆軟多汁，雞翼嫩滑，絕不油膩，芽菜生菜等配料滿滿地鋪係檬粉上面，檬粉夠爽，但係稍嫌唔夠凍，檯上有炸蒜粒任加，而越南菜嘅靈魂--有醃蘿蔔係入面嘅魚露唔係一般貨色，酸味適中，唔係低水準越南餐廳所用嘅一味夠濃嘅酸甜.而後上嘅滴滴咖啡就令我充分體驗到越南人生活嘅悠閒，望住黑咖啡慢慢的由咖啡壺滴到杯中，聞住陣陣獨特嘅麝香味，要等上好一會才能滴滿小小嘅一杯。係咁嘈吵嘅環境之下令我更唔怕羞咁為呢杯單售只賣$10嘅咖啡做Cupping 飲第一口，咖啡嘅溫度因為滴嘅過程已經稍降，酸味比較弱，有微微香草味，杯底明顯有咖啡渣。我不太嗜甜，但係亦學越南人嘅習慣加左煉奶，用茶匙攪拌咖啡嘅
無論從哪一條電梯，升降機，樓梯上北河街街市二樓嘅熟食中心都係非常非常之污糟。上到去你會發現環境一樣不堪入目，大排檔嘅食客會肆無忌憚地食煙，吐痰，高談闊論，頭上嘅數十部冷氣機沾滿油污，好似下一秒就會滴到你嘅頭上...
需要排除萬難去追求嘅當然有一定嘅價值. 今次係為左要試呢間越南餐廳嘅咖啡。未坐定就叫左一碗香茅豬扒配風沙雞翼撈檬，連越式滴滴咖啡($28; 滴滴咖啡唔洗加錢!)
大大碗嘅撈檬先送到. 香茅豬扒鬆軟多汁，雞翼嫩滑，絕不油膩，芽菜生菜等配料滿滿地鋪係檬粉上面，檬粉夠爽，但係稍嫌唔夠凍，檯上有炸蒜粒任加，而越南菜嘅靈魂--有醃蘿蔔係入面嘅魚露唔係一般貨色，酸味適中，唔係低水準越南餐廳所用嘅一味夠濃嘅酸甜.
而後上嘅滴滴咖啡就令我充分體驗到越南人生活嘅悠閒，望住黑咖啡慢慢的由咖啡壺滴到杯中，聞住陣陣獨特嘅麝香味，要等上好一會才能滴滿小小嘅一杯。係咁嘈吵嘅環境之下令我更唔怕羞咁為呢杯單售只賣$10嘅咖啡做Cupping 飲第一口，咖啡嘅溫度因為滴嘅過程已經稍降，酸味比較弱，有微微香草味，杯底明顯有咖啡渣。我不太嗜甜，但係亦學越南人嘅習慣加左煉奶，用茶匙攪拌咖啡嘅上層，因為係杯底嘅咖啡渣被煉奶黏住嘅關係，多少帶走左咖啡嘅澀味，但又未至於完全遮掩咖啡嘅香氣。
臨走時好好人嘅老板娘重送左杯三合一越南咖啡粉比我，話加熱水就飲得，比我試吓
张贴
