Spasso Italian Bar & Restaurant

营业中

休息中

预早一星期订枱，连食都无得食。话说我订咗晚餐，喺订座当日下午，要强调，系订座当日下午，餐厅取消咗我嘅预约。我即时打去问个究竟。接线生话因为当晚有wedding party，所以要取消我嘅预约。佢不断强调自己已经用不同方法联络我，包括致电、留言同WhatsApp （然而佢WhatsApp错电话号码），系我无回覆佢。我有两个问题。一，点解有wedding party要用晒全间餐厅佢都继续畀人上网订枱？佢声称呢个系佢控制唔到嘅问题㖞。乜原来餐厅喺OpenRice 系连自己系咪满座都控制唔到，咁出名嘅餐厅咪可以畀人继续订座？点解我未试过嘅？二，我当佢真系控制唔到，点解佢唔一早就取消我嘅订枱，而系当日下午先取消？既然佢控制到是否取消预订，佢应该一早就取消，咪唔驶打咁多次电话畀我啰。至于我点解唔听电话又唔覆电话呢？因为呢个年头电话骗案实在太多，喺过滤app无显示系咩机构/公司打嚟嘅电话我都唔会接同覆。