貢茶 (已結業)

早几日师傅一条冷四围贡, 又唔知去边同食咩好, 行行下黎到呢间呢期人气食店, 见冇咩人排队, 于是师傅就贡入去试一试佢!谂左一阵饮咩好先至行到埋去落单, 话晒师傅一向都钟意波霸, 所以就拣左杯波霸奶茶少甜, 品尝品尝, 比完钱就企埋一边等饮品; 等左一阵, 一杯波霸奶茶就去到师傅手中, 二话不说, 帮杯波霸奶茶留倩影先, 之后即刻大啖咁饮!第一啖入口, 味道真系唔甜, 但又唔算好淡, 不过就系冇咩茶味, 带唔到奶茶应有嘅味道, 加上又唔够冻, 所以都系算一般货仔, 不过d珍珠都几腍, 几烟韧, 加上份量特别多, 真系食极都食唔晒, 真系超多, 咁样叫做打个和啦! 总括黎讲波霸奶茶质素一般, 服务都几友善, 而价钱就唔贵, 十蚊一杯, 都叫做抵饮; 师傅唔系刻意比较, 但呢间食店开喺轻松饮旁边应该对自己好有信心, 但论波霸奶茶师傅始终觉得后者较好, 至少茶味够香浓, 所以笑脸比唔到, 不过有机会仍会想试下其他!