影片
更多
2022-02-14
4072 浏览
🧩朋友，就算几忙，都要约出嚟聚一聚嘅，聚餐梗系要拣返间餐厅，呢排旺角《T.O.P》开咗间《No Money So Lonely》大玩特别菜式，就当然啱晒成班后生仔女出嚟饮饮食食啦。📌《No Money So Lonely》位于《T.O.P》3楼，餐厅可以话系冇门口嘅，有块大大嘅招牌，即系餐厅系开放式，喺商场行过都可以望到餐厅入面。📌装修格局附有泰式风味，用上木藤椅，仲有花花草草同浪漫的灯做设计，营造泰国夜市嘅味道。📌由于餐厅系「B类食肆」，五个妹子被安排在有间版嘅座位上，准备点餐。📌突然间有个女职员好冇礼貌地粗鲁地兵铃嘭铃攞走咗我们剩余一张嘅吉坐椅，一句说话都冇讲，系一种咩嘅态度呢？完全一头雾水，究竟发生咩事呢？好似做错事得罪了她要发脾气咁？虽然我哋系五个人六张凳，但如果想攞返走一张凳，系咪都可以讲一声呢？而且多一张櫈俾客人摆手袋行李🧳都好正常啦。📌一开波态度咁差都已经搞到冇咩食欲，但一心嚟都想试吓啲菜式，食完就算冇下次。📌菜式就系大玩fusion菜，泰式风味之余又配合西式嘅食品，又确实系几特别嘅。烧八爪鱼要你慢慢地切沙律， $128 熊妹食大餐一定要有沙律，宾妹又钟意食八爪鱼，呢个沙
🧩朋友，就算几忙，都要约出嚟聚一聚嘅，聚餐梗系要拣返间餐厅，呢排旺角《T.O.P》开咗间《No Money So Lonely》大玩特别菜式，就当然啱晒成班后生仔女出嚟饮饮食食啦。
📌《No Money So Lonely》位于《T.O.P》3楼，餐厅可以话系冇门口嘅，有块大大嘅招牌，即系餐厅系开放式，喺商场行过都可以望到餐厅入面。
📌装修格局附有泰式风味，用上木藤椅，仲有花花草草同浪漫的灯做设计，营造泰国夜市嘅味道。📌由于餐厅系「B类食肆」，五个妹子被安排在有间版嘅座位上，准备点餐。
📌突然间有个女职员好冇礼貌地粗鲁地兵铃嘭铃攞走咗我们剩余一张嘅吉坐椅，一句说话都冇讲，系一种咩嘅态度呢？完全一头雾水，究竟发生咩事呢？好似做错事得罪了她要发脾气咁？虽然我哋系五个人六张凳，但如果想攞返走一张凳，系咪都可以讲一声呢？而且多一张櫈俾客人摆手袋行李🧳都好正常啦。
📌一开波态度咁差都已经搞到冇咩食欲，但一心嚟都想试吓啲菜式，食完就算冇下次。
📌菜式就系大玩fusion菜，泰式风味之余又配合西式嘅食品，又确实系几特别嘅。
烧八爪鱼要你慢慢地切沙律
$128
55 浏览
2 赞好
0 留言
熊妹食大餐一定要有沙律，宾妹又钟意食八爪鱼，呢个沙律好似几特别几吸引。
睇到食物个名都打定左个底，个八爪鱼🐙都几烟韧，又真系要慢慢咁切先至得断㖞。
烧八爪鱼都几香烟熏烧烤味，有几惊喜㖞！超长嘅八爪鱼鳃慢慢咁切，咬落去好弹牙，食落都几新鲜，唔似雪藏货，咁得一条来讲都几抵食，货真价实。
沙律菜🥗都几多，系泰式秘制酱汁，辣辣地拌落去本身烧味八爪鱼，味道几夹。
贫穷是寂寞拼盘
$148
59 浏览
1 赞好
0 留言
个名咁得意，其实就系餐厅嘅名，简单啲嚟讲，即系招牌拼盘啦。
小食拼盘🍱有六款，有薯条🍟、腐皮扎肉、秋葵虾、天妇罗虾、炸鱿鱼、炸饭波，有别于一般嘅小食拼盘㖞。
份量都几多，每款有3，4件，其中秋葵虾🦐同炸鱿鱼🦑最好味，一来最特别，未食过，二来曯惹味。
冬阴功大虾比萨
$138
53 浏览
0 赞好
0 留言
比萨都系有好多fusion款式，就试下冬阴功味喇。
顾名思义，冬阴功味就系辣辣地，材料有大虾、鱿鱼、杂菌、蕃茄粒，就类似带辣的海鲜比萨，既然系用开做比萨的配料，所以味道一啲都唔奇怪。
比萨🍕系薄脆薄批，薄批同海鲜系几夹，唔会太厚太多面包，令冬阴功海鲜馅料更突出。
烟三文鱼秘制泰式海鲜酱意大利面
$132
40 浏览
0 赞好
0 留言
烟三文鱼系炒碎的，配料仲有爽口的椒丝，洋葱丝，扁意大利面🍝好有咬口，炒碎左容易入口，配合秘制泰式海鲜酱真系一流，少辣，惹味，
蜜味酸辣猪肋骨
$148
46 浏览
0 赞好
0 留言
猪肋骨🍖叫左半份，酸辣味好出，偏辣，猪肋骨恰得刚刚好去焗，好容易就可以撕到肉出来，最惊喜系好多沙津菜拌碟，沙津菜多而新鲜，仲有红莓同蓝莓，酸甜清新，食咁多肉就系要菜来中和！
人人都嗌的啖啖蟹肉担担饭
$138
36 浏览
0 赞好
0 留言
骨妹系无底黑洞，食左咁多野都好似无食过野咁，就叫埋个招牌担担饭。
热辣辣上碟，饭就系紧系要趁热食。白雪雪的蟹肉丝🦀满怖碟周围，果然系啖啖蟹肉，绝无欺场。粒粒饭粒🍚分明，配上蟹籽更出蟹味，特别在加上花生粒切合担担主题，fusion得黎又不失各菜式的原本味道，唔错！
抹茶红豆陈皮奶昔，枫糖香蕉肉桂奶昔
$52
27 浏览
0 赞好
0 留言
熊妹作为抹茶控🍵，就当然唔会放过抹茶制品喇。本身好抗拒红豆，但呢杯红豆陈皮真系令熊妹改观了。红豆蓉打得绵绵，捞埋唔太甜的抹茶奶昔一齐饮，茶味带甜仲有少少陈皮的甘味，这种配方会唔会太好味？而且奶昔饱饱的，虽然杯子唔大，但质感又唔稀，绝对非常够喉。
枫糖香蕉肉桂奶昔， $52（右）
香蕉奶昔🍌又加多点枫糖肉桂味，奶昔打得细腻，入口绵绵，估唔到饮品都做得相当出色。
📌整体来讲，大玩fusion菜想法前卫，味道出奇制胜，系几岩大班后生伙儿结伴同行来饮饮食食吹吹水的餐厅，只不过服务态度确实有待改善，由一班年轻人主导，系刚踏入职场而未识人情世故定系时代变迁新一代太受保护而缺乏了待人接物的基本礼貌呢？想留得住人的胃？最重要先留住人的心啊！🥴
张贴
