No Money So Lonely

营业中

休息中

早前经过此餐厅时被门口一大只老虎头像图吸引，装潢望落有趣，原来系城中以玩味见称嘅Mamaday创办人创立嘅另一概念店。星期五晚上五点半左右嚟到似乎仲系落场时间，喺商场内闲逛一圈六点准时入座。一贯Mamaday嘅作风，NMSL装饰都好有特色，挂画、摆设古灵精怪，令人目不暇给。贫穷是寂寞拼盘(小) $78拼盘有大有细够flexible，细嘅可以拣三款小食：炸饭波入面系冬阴功饭，外面炸得脆口唔油腻，好惊喜；腐皮扎肉有少少似食鲜竹卷，香口惹味；秋葵虾相对肥腻，秋葵炸干，酿咗少少虾胶，有心机但一般般。泰式肉碎猪颈肉Pizza $108肉碎用上新猪肉肉碎，素食产品但系又有猪颈肉，有点不明所以。Pizza食落超多芝士，蒜头味道突出，饼底薄身脆口。酸辣猪肋骨(半份) $116猪肋骨略略烧过表面，上面淋咗泰式酸辣汁，卖相吸引。满心期待放入口，面色一沉，𠮶阵鱼露味真系唔系人人接受到，浓到好似脚味，笑死哈哈。 幸而伴上嘅沙律甜甜酸酸，仲有我至爱嘅红桑子，可以中和一下。见网上提及此店主打东南亚fusion菜色，特意拣晒有代表性的，出嚟效果未算令人深刻，或者有机会再试其他。