路邊小炒

营业中

休息中

今日休息同太太行完尖沙咀返屯门揾食，去到新墟路边小炒点知食到一肚气。点咗个羊腩煲细份嘅$288，一来到骨多过肉，加埋唔超十块肉好多仲系脊骨位，成煲只得一块笋，讲都冇人信咁都算啦,太太中意食蒜茸开边蒸虾$168，特登问咗点菜的姐姐系咩虾，佢话系海中虾🦐，一上嚟原来系基围虾细无可细仲要系死虾，肉都霉哂，心知中伏啦！喂，大佬，使吾使食水咁深啊！你可以收我贵啲，吾该你都用番咁上下的食材货比人吖，唯有自认倒霉！食完埋单向老板娘投诉，佢一句没意思都冇，仲口口声声话系新鲜虾。唉，你第一日出来开店咩，当个个食客系白痴？真系扯火，从此以后不会再帮衬……可惜今晚唔记得影相，但句句属实。