岩盤牛扒 ミディアムレア ステーキ (博文街) (已結業)

星期五放工后同朋友食晚饭,就简左依间系奥海城附近既一间日本牛扒餐厅，就系小酒吧街旁边。仲未入到餐厅，已经俾阵阵牛肉既香气吸引。门口有餐牌，有三款部位，分别系肉眼扒, 牛柳以及西冷扒。价格相差都几大。每款扒两款SIZE: 300g 同400g拣加多25 蚊有SET 白饭，汤，沙拉同饮料任拣三款。同朋友嗌左两个SET, 肉眼扒同西冷扒各400g 交换食，系门口Counter 先俾钱点餐，店员将大大磈牛肉放上磅，货真价实。等左大约10分钟已经可以拎餐, 大大磈牛扒系铁板磁磁声，牛肉汁不停流出。我同朋友order左三成熟, 喺铁板一阵已经大约五,六成熟，岩岩好。先试下肉眼扒，啖啖肉，好容易咬开，肥瘦适中。西冷扒更胜一筹，好厚身，肉味比较香浓，纹理分明。两款牛扒都十分Juicy，充满肉汁，绝唔会干身，脂肪比例岩岩好。饭同汤无咩亮点，饭有少少干，沙拉还可以吧。整体性价比很高的一间牛扒餐厅。