KiKi麵店 (希慎廣場)

营业中

休息中

行过地铁站，见到希慎下层重新装修就入去行下，发觉都有唔少餐厅，今次就试下未食过嘅KiKi面。餐单有单叫同SET，我叫左个$148套餐，包一个餐前小食，一份主食同一杯野饮，用电子落单。小食叫咗个凉拌酸辣鱼皮，超出预期好食，好有惊喜。味道偏重同有少少辣，好惹味同弹牙，食得出好新鲜。主食叫咗个香葱鹅油鸡拌饭，一黎闻到几香，鸡就正常发挥，份量都好够。餐饮转特饮叫咗豆乳雪绒仙草红茶豆奶，好大杯，红豆味都算出，加上淡淡奶香，系几好饮。埋单唔洗加一，明码实价，餐厅出面有做外卖茶饮，选择几多唔算贵，下次行过应该都会试多次。