影片
更多
2018-05-08
4875 浏览
上星期系婆婆生日,老人家做生日,就最喜欢食中餐! 所以我上网做左好多功课,拣左一间出名既粤菜同婆婆做生日! 骏景轩 - 多年既米之莲一星食府! 好早以前都听过大名,原来近年搬左去皇后大道东果面!当晚我地book左7点,都几多人,上到去见到装修好有高级粤菜馆既风格。门口见到尊典雅的白玉观音像,背面有精致木雕,右边挂上"骏景轩"名牌,简单得来好有格调!台面既铺陈好简洁,望落餐具都好高级,好靓!呢餐生日饭,婆婆交比我发板叫𩠌,佢话想食d传统+辣野! 既然系咁…当然先黎个广式靓汤啦：杏汁白肺汤 - 相信白肺汤,系街外都买少见少,但就算系有,我都未必敢饮! 但婆婆近来有d咳,所以每人叫左碗黎饮! 个汤底煲到奶白色,好香,带住丝丝既杏仁味,但唔会太抢! 重点系个白肺一d都唔骚,一定反覆洗左好多次先有咁既效果,食落好似食紧猪肚咁! 呢盅汤,无得顶啊!头盘 - 饮完靓汤,当然要食下d头盘啦! 我拣左个口水鸡! 不同于出面,呢度既口水鸡既汁系另上,怕辣既可以点少d汁! 实话讲口水鸡出面食得多,但呢度系唔同d! 鸡皮滑兼弹牙,肉虽然唔多,但好有鸡味,相信系用新鲜鸡整先有咁既效果! 出面食到既口水鸡虽然多肉
骏景轩 - 多年既米之莲一星食府! 好早以前都听过大名,原来近年搬左去皇后大道东果面!
当晚我地book左7点,都几多人,上到去见到装修好有高级粤菜馆既风格。门口见到尊典雅的白玉观音像,背面有精致木雕,右边挂上"骏景轩"名牌,简单得来好有格调!
台面既铺陈好简洁,望落餐具都好高级,好靓!
呢餐生日饭,婆婆交比我发板叫𩠌,佢话想食d传统+辣野! 既然系咁…当然先黎个广式靓汤啦：
杏汁白肺汤 - 相信白肺汤,系街外都买少见少,但就算系有,我都未必敢饮! 但婆婆近来有d咳,所以每人叫左碗黎饮! 个汤底煲到奶白色,好香,带住丝丝既杏仁味,但唔会太抢! 重点系个白肺一d都唔骚,一定反覆洗左好多次先有咁既效果,食落好似食紧猪肚咁! 呢盅汤,无得顶啊!
杏汁白肺汤
42 浏览
0 赞好
0 留言
头盘 - 饮完靓汤,当然要食下d头盘啦! 我拣左个口水鸡! 不同于出面,呢度既口水鸡既汁系另上,怕辣既可以点少d汁! 实话讲口水鸡出面食得多,但呢度系唔同d! 鸡皮滑兼弹牙,肉虽然唔多,但好有鸡味,相信系用新鲜鸡整先有咁既效果! 出面食到既口水鸡虽然多肉,但大多系雪鸡,层次系几回事!
口水鸡
44 浏览
0 赞好
0 留言
粤菜 1 - 终于到主菜啦! 当然要试先试粤菜啦! 我叫左最普通既菠萝咕噜肉! 识食既一定知呢味菜最考功夫,菜式虽然普通,但整得好食既好少! 呢度既咕噜肉,炸炸唔厚,面脆肉嫩,最重要个汁挂晒系每样料上面,基本上食晒成碟,碟面好干净,高水准啊! 汁甜甜酸酸,好开胃!
菠萝咕噜肉
43 浏览
1 赞好
0 留言
粤菜2 - 瓦罉焗胡椒虾 - 呢味是当晚主菜, 虽然胡椒系基本野,虾系普通海鲜,但用瓦罉黎焗, 呢种传统做法,唔系一般餐厅可以食到! 用瓦罉黎焗,可以将胡椒既香味迫入虾度,而且瓦罉保温好好,虾肉刚刚熟,但唔会老! 又系一味菜式普通, 但味道唔简单既菜式,极品!
瓦罉焗胡椒虾
40 浏览
1 赞好
0 留言
新派粤菜 - 黑松露野菌安格式牛柳粒 - 新式粤菜,炒得安格式牛柳粒,当然用贵价露笋伴碟,加上不同既野菌,用黑松黎炒,非常惹味,有别一般粤菜既食法!
黑松露野菌安格斯牛柳粒
27 浏览
0 赞好
0 留言
改良版粤菜 - 黑醋珠蟹肉带子炒鲜奶 - 呢道系今晚最正既主菜,婆婆最种意,似系大良炒鲜奶既改良&创新版本! 有别于一般既炒鲜奶,呢味𩠌唔落炸粉炸,所以表面唔系脆口!初先食仲以为系炒蛋白,但口感无咁削,较弹牙,口感好好,但奶味唔算浓,好正!
至于同炒鲜奶一齐炒既,有好大梳既蟹肉,肉身好有质感,似系花蟹肉! 另外仲有大大粒既带子,相当新鲜!最特别既系配上黑醋珠,应该似系鱼子之类既野,酸酸地,好特别,都系第一次食!
黑醋珠鲜蟹肉带子炒鲜奶
48 浏览
0 赞好
0 留言
* 整体呢道𩠌真系食到,完全显示到星级既功架,应该拿得奖! 无得顶!
川菜 - 酸菜桂花鱼 - yeah! 终于到我最期待既川菜啦! 婆婆钟意食鱼,就叫左最基本既酸菜桂花鱼! 又再一次平凡菜式,见不平凡既水准! 以往系好多地方食过酸菜鱼,唔系鱼骨多,就系鱼好腥,或者酸菜无味,又或汤底死辣太咸!
但呢次食既酸菜鱼都系一流：鱼片薄,明显厨师刀工好好；而且桂花鱼虽然多骨,但今次食既鱼片一条骨都唔见,好劲啊! 鱼片鲜,肉质嫩。 酸菜底未好够,唔识点形容种酸味,但就系好够味,好够酸,十分醒胃! 汤底唔会咸,基本吸收左酸菜既味,已经令到个汤好浓郁,我都忍唔住饮多几啖,真系好好味!
酸菜桂鱼片
39 浏览
1 赞好
0 留言
今餐婆婆食得好开心,话样样都好好食! 见到婆婆食得开心就好啦,婆婆身体健康,下年带你再食过!
张贴
