西貢松記車仔麵

营业中

休息中

赶时间！唯有走去松记食早餐啦，虽然前几日比个阿姐激到扎扎跳，但胜在松记车有位唔洗等，如果走去茶餐厅实爆场等到呕呀！独独早餐行去叫车仔面最醒目，即刻有得食，上次食出前一丁，今次食个好耐无食既车仔面多汁就上船喇！牛腩猪红萝卜幼面多汁，松记既牛腩系坚牛腩，唔系牛腩碎、唔系牛腩渣，大大旧啖啖肉，软棉松化肉汁澎湃，味道温和香甜，渗出淡淡牛鲜味！猪红有鲜猪红既味道，非常有弹性，外脆内嫩，浸得够入味，good！萝卜有少少渣，都甜既，可以接受！幼面无烚过腍，依然保持弹性同咽韧，挂上咖哩汁大束大束地送入口，好味呀！发现原来上次碗出前一丁都系车仔面度煮架，唔怪得汤底味道咁古怪啦，车仔面汤底加出前一丁汤粉。仲有只全熟老蛋都系车仔面度夹啰，我只食太阳蛋或荷包蛋架乍！搞到上次成只蛋掉左！三𩠌面多谢HKD36，西贡价而且依个质数，物有所值。