影片
更多
2014-01-04
171 浏览
人生第一次写食评，就要比劣评，真系有点无奈今次系第二次去呢间嘢！佢除咗好座、就脚同佢唔爆实有位，真系唔会有其他理由帮衬食物质素一般，份量小，味道一般无特别，价钱铜锣湾区唔算贵.服务就真系（无得顶），两次去都遇到果位令人难忘嘅员工，上一次系生日同个朋友去食午餐，当时系未到12点，无乜客人，期间想影张相，佢经过我地嗌唔该佢望一望张枱，我地都未讲咩事，佢就黑晒面直行直过，嗌几声唔该都头也不回（当时同朋友喺到谂，我地除咗叫嘢无同佢有其他对白，无理由得罪到佢啩！）到今次，我地去晚餐，由于杯蜂蜜绿茶太甜，我地想要杯滚水沟淡d，巧合地又系佢经过，我地又系嗌唔该，佢嘅反应都系一样，望一望张枱就黑面行咗去，唔会理人.跟住都好彩见到一个应该资历较浅嘅女侍应，佢系有反应架！凭制服去辨别，黑面短发四眼女侍应应该系高级d，我地唔系期待佢五星级服务，最基本嘅尊重都应吓人啦！后记，果位黑面女侍应，应该系落单同埋单先会有反应，佢望一望你张枱见到应该唔系埋单，你点叫佢都唔会比反应佢咁嘅服务态度唔知系唔系无粮出，就算系应该揾劳工处，唔系比面色我地呢d素不相识嘅消费者啰！
今次系第二次去呢间嘢！佢除咗好座、就脚同佢唔爆实有位，真系唔会有其他理由帮衬
食物质素一般，份量小，味道一般无特别，价钱铜锣湾区唔算贵.
服务就真系（无得顶），两次去都遇到果位令人难忘嘅员工，上一次系生日同个朋友去食午餐，当时系未到12点，无乜客人，期间想影张相，佢经过我地嗌唔该佢望一望张枱，我地都未讲咩事，佢就黑晒面直行直过，嗌几声唔该都头也不回（当时同朋友喺到谂，我地除咗叫嘢无同佢有其他对白，无理由得罪到佢啩！）
到今次，我地去晚餐，由于杯蜂蜜绿茶太甜，我地想要杯滚水沟淡d，巧合地又系佢经过，我地又系嗌唔该，佢嘅反应都系一样，望一望张枱就黑面行咗去，唔会理人.跟住都好彩见到一个应该资历较浅嘅女侍应，佢系有反应架！
凭制服去辨别，黑面短发四眼女侍应应该系高级d，我地唔系期待佢五星级服务，最基本嘅尊重都应吓人啦！
后记，果位黑面女侍应，应该系落单同埋单先会有反应，佢望一望你张枱见到应该唔系埋单，你点叫佢都唔会比反应
佢咁嘅服务态度唔知系唔系无粮出，就算系应该揾劳工处，唔系比面色我地呢d素不相识嘅消费者啰！
张贴