Cafeholic (已結業)

今日去Playroom玩完，天气太热，我哋有大有细，近近地就食呢间餐厅。呢道门口红砖墙设计，几吸引。入到里面发现原来窄，枱同枱之间好迫，全部细枱，冇大枱，我哋一行9人唯有分开坐，我同朋友各自凑住件细既坐左卡位，座位尚算宽敞。我哋点左两个午餐，点餐算快到，服务就麻麻。洋葱汤睇相都知好水，好淡味，无乜要求都可以当淡盐水，清清地饮。日式咖喱唐扬鸡蛋包饭呢个饭最好食，卖相最好，沙律菜新鲜，酸酸地，好开胃。咖哩唔辣，香甜好味，蛋包饭内饭粒都好juicy,不错！香煎黑椒牛扒薯菜配饭牛扒难切，食落好韧，咬得好攰！薯仔无乜味，饭质粒粒分明，配黑椒汁食，叫做饱肚。