影片
更多
2020-10-07
1588 浏览
星期六下午行完深水埗，口渴又攞住劲多嘢，查吓附近有咩地方饮嘢。就黎左呢度。原来间嘢前面系卖文青嘢嘅。入面就有～10个位。新兼几干净。自助形式。要行去收银度叫嘢兼睇个餐牌，大佬啲字洗唔洗咁细呀？！嘢饮基本上系得唔同味嘅发酵茶，cold brew 咖啡同cold brew 绿茶。Cold brew 咖啡差唔多成六十蚊杯。呢个价钱响深水埗真系好贵！嘢食都冇咩拣。啲蛋糕都几细件，macaron 直接粒钮咁嘅大细...见佢有卖自家制sourdough 面包，相信差极有个谱，决定都试佢个牛油果open sandwich + 西柚玫瑰发酵茶。发酵茶个酒味都几劲，但个味好好，好香同唔会太甜。估唔到个牛油果open sandwich 咁靓同咁多牛油果，仲好好食！牛油果属于生生哋嘅。因为硬身，所以食多块都冇咁滞。下面啲蕃茄洋葱橄榄油芫茜捞好香，夹埋个酸面包坚好食。好有我响德国食嘅感觉。服务态度好好。但好明显系新手，唔太醒目。问攞只杯去斟水饮，我两个人你俾一只杯我..."有无纸巾呀，可唔可以俾多张我放口罩？" "好呀冇问题呀～我俾多张你". 真系俾两张....我朋友都有食嘢㖞...话时话，食完先发觉，其实都
原来间嘢前面系卖文青嘢嘅。入面就有～10个位。新兼几干净。自助形式。要行去收银度叫嘢兼睇个餐牌，大佬啲字洗唔洗咁细呀？！
嘢饮基本上系得唔同味嘅发酵茶，cold brew 咖啡同cold brew 绿茶。Cold brew 咖啡差唔多成六十蚊杯。呢个价钱响深水埗真系好贵！嘢食都冇咩拣。啲蛋糕都几细件，macaron 直接粒钮咁嘅大细...见佢有卖自家制sourdough 面包，相信差极有个谱，决定都试佢个牛油果open sandwich + 西柚玫瑰发酵茶。
发酵茶个酒味都几劲，但个味好好，好香同唔会太甜。估唔到个牛油果open sandwich 咁靓同咁多牛油果，仲好好食！牛油果属于生生哋嘅。因为硬身，所以食多块都冇咁滞。下面啲蕃茄洋葱橄榄油芫茜捞好香，夹埋个酸面包坚好食。好有我响德国食嘅感觉。
服务态度好好。但好明显系新手，唔太醒目。问攞只杯去斟水饮，我两个人你俾一只杯我..."有无纸巾呀，可唔可以俾多张我放口罩？" "好呀冇问题呀～我俾多张你". 真系俾两张....我朋友都有食嘢㖞...
话时话，食完先发觉，其实都系餐厅黎。只系前舖后餐厅啫。点解唔洗量体温嘅？！
总结：嘢饮坚贵，但个open sandwich 都值(好似四十几蚊). 新舖服务过一轮希望会有改善. 个sourdough 包其实买一个走都抵食. 深水埗近排开左好多呢类型嘅cafe. 呢个价钱究竟长远做唔做得住呢？
75 浏览
0 赞好
0 留言
张贴
