炙・日本鐵板燒 (已結業)

喺香港一般好少食日式铁板烧，因为实在太贵，而质素值得𠮶个价钱嘅我个人觉得唔多。朋友介绍呢一间日式铁板烧俾我，咁我就去试吓啦。当日嘅菜单如下：印尼花龙虾匈牙利鹅肝安格斯肥牛薄烧A5 日本 顶级牛蒸蛋蟹肉沙律炒日本什菜肥牛炒饭日式甜品龙虾汤铁板烧师傅喺我面前逐度逐度菜式咁预备，先唔讲食物味道，净系表演都已经加咗分。菜式咁多我唔逐样点评，值得推介嘅就系两个牛肉，唔同嘅肉质同做法，但系同样烧得啱啱好，令人食指大动。龙虾肉质亦都非常弹牙。最特别嘅系，铁板烧师傅忽发其想，烧咗个焦糖面包甜品俾我哋，甜味同脆口都系我未食过嘅嘢。菜式味道甚佳，只可惜我食完咁多道菜其实系唔饱嘅，所以性价比好一般。