糧心製作

营业中

休息中

是日午餐，选择咗黄竹坑工业大厦嘅食堂，11点前落单就有9折。第一次试，就叫咗份餐厅推介嘅韩式酱烤牛颈脊煎蛋饭，配上自家制「娘」茶，正价$68，折后实收$61。初头睇menu觉得几贵，纯粹想试下其他工业大厦饭堂，好过日日食啲好低质嘅茶餐厅，对唔住自己个银包，但起码要对得住个胃！先讲饮品，凉茶系冻嘅，可能有人比较喜欢热凉茶，但我就无乜所谓。味道唔算好浓，不太甜，应该无乜落糖，所以绝对适合我呢类想减肥嘅人士饮用。饭方面，卖相的确系几吸引！饭身够硬👍🏻煎蛋会系我最钟意嘅太阳蛋😍如果系熟蛋的话就扣晒分！另外配茶有豆，萝卜丝同粟米仔，感觉上有少少菜会健康啲，好过附近好多茶餐厅，想食条菜都难。重点系牛颈脊，韩式酱甜中带点辣，几惹味，肉唔会太熟，如果牛肉过熟就完全唔好食。整体对呢个饭嘅评价几高，下次再试下其他饭，因为佢每日menu都唔同，主要3-4款午餐选择。