Munch (已結業)

约左朋友试新野， 朋友话想试下呢间既蟹饼，所以就黎左呢到。星期六先打电话黎book都book到， 都算系尖沙咀聚会既好地方。一去到， 见到餐厅都唔系太多人，所以都算静， 可以好好甘同朋友倾计。餐厅有提供set dinner同 a la carte既款系唔同既。set dinner 有汤／沙律， 主菜同茶， 大约200 ﹣300蚊。唔算平， 但甘都无甜品送。我同朋友一人叫左一个set, 另外单点左朋友想试既蟹饼。主菜就食左鸭肶意大利饭同羊架。羊架叫左7成， 不过都几生。200几蚊只系得两块羊架，都真系几唔抵。其实个set dinner 份量比女仔岩岩好， 大食d就要另外叫starter。餐厅暗暗地，环境都算唔错。我同朋友share食，d waitress比左一人一只碟我地夹黎食，仲会每道菜都帮我地换碟， 都几好。呢到食野无限时， 可以舒舒服服慢慢坐， 系尖沙咀餐厅黎讲都几难得。