棋哥燒鵝餐室

营业中

休息中

今晚赶住做家务只能去食烧味饭，亚仔的反应系…………啊？我可唔可以唔食啲咁麻甩的饭？一个烧味饭要50个大洋，对于一个已婚男嚟讲有啲贵，双拼再加5蚊。作为一个穷L，当然系悭得一文得一文啦！全家分别叫咗义烧，烧鹅，同切鸡，一于自制3拼饭，咁又悭返几十蚊（大家唔使讲，我知道我呃紧自己，多谢！）。只系叫咗普通义烧（无叫肥义因为就老婆同仔），但上碟都有少少肥，肉质非常之冧，比对面的烧味店好食，其实对面的义烧同烧肉我都好钟意，但8点几去到已经拉闸所以先食棋哥。烧鹅，登登登登！鹅肉是热架，冬天食烧味最怕啲肉冻，鹅皮是脆的，而鹅肉同鹅皮都冲积住碳味，呢个味道比我食过中环的，湾仔的，北角的鹅更好味。鸡都唔差，肉滑味足。食完饭烫完衫，打埋呢段食评个口好渴，我估同今晚的烧味饭有关，但我都会返转头。