鯛魚魚湯專門店 (已結業)

是日落大雨，妈妈冇煮晚饭，于是我地走去鲗鱼涌揾饭食，见到鱼汤为名既食店，就冲咗入去试。晚上七时左右，已经坐爆全场。我哋叫鲍鱼花胶鱼肚鱼汤乌冬、原只波士顿龙虾汤饭同追加海胆。鲍鱼花胶鱼肚鱼汤乌冬﹕价值$138既贵价材料乌冬，汤底尚算有鲜味，没有鱼腥味的感觉。乌冬有口感，不是太腍，乌冬吸收少少鱼汤味。配料有鱼肚、花胶、鲍鱼等其他配料，视觉效果强劲，全部都有口感，但味道有点偏淡。原只波士顿龙虾汤饭﹕波士顿龙虾属中小型，龙虾本身已熟透，它只靠著火炉去助暖。可能妈妈帮我食乌冬食耐左既关系，令龙虾助热过火而令肉质有点老。亦因为坐热过久，饭吸收了汤既精华，非常浓郁，好入味。海胆﹕加$80有碟，属正常，口感。埋单时发现佢冇收加一，可值得一试。