棽粵 (裝修中)

$3xxx/2位既粤菜值唔值呢？食omakase都未必驶呢个价钱，但d野真心好食！先由车打芝士五层乳猪讲起，原来乳猪、芝士、啤梨、青瓜同埋多士配搭出出嚟嘅化学作用意想原不到地好，味道口感都十分有层次。另外，好多酒楼都有翅，但呢度嘅生拆蟹肉干捞翅跟一碗老鸡猪骨金华火腿汤又系点呢？味道就系第一口系你去饮宴时候食翅个味道，但系饮得出佢够足料同埋够浓郁；蟹肉翅有稍微煎过，所以令佢带有焦香，空口食或者配搭上汤都唔错。到上汤澳洲龙虾🦞，味道合乎预期，好好食而且份量适中，切出嚟嘅尺寸亦都令你食得好轻松。咁多样野入面，反而柚子片皮鸡真系打破我对食鸡好油腻嘅stereotype，佢d炸子鸡片左层皮出嚟，再刮去底部油脂，所以鸡皮好似薯片咁脆；手撕鸡肉同柚子既开胃又清爽，会令你喺冇饱滞感嘅情况之下乐于迎接下一道菜。另外就系冒著可能会食物敏感而叫嘅鲜淮山浸芦笋。除咗淮山同芦笋之外佢仲有少量去皮蕃茄，上汤都系用返𠮶个好饮嘅老鸡金华火腿，鲜香味美呢四个字去形容就最好不过。其实仲叫咗其他嘢食，但佢哋比起刚才打嘅食物已经系冇咁好食（打字太慢懒打就真)建议大家试吓tea先，因为呢个价钱dinner系要做一做心理建设