花見月 (已結業)

前几日中秋节正日，同班同事打算一齐食午饭过下节，行晒成个科学园都无位，度度都要等位，最后去咗呢间只需要等一张枱嘅花见月，真心无下次。望住餐牌拣完一轮，唔想食生野又唔想食饭，于是点咗个以为稳阵嘅日式牛肉汤乌冬，点知碗野一上枱就知道伏，完全唔想食。成个汤全部都系油不特止，仲要啲牛肉系最劣等嘅肥牛，又肥又多筋，有六至七成嘅肉根本食唔落口，吐嘅仲多过食落肚。食得落口𠮶三四成，都系无牛肉味，唔知食紧乜。大拿拿89蚊一个乌冬，仲要加一，即系讲紧一百蚊咁上下嘅价钱，竟然质素咁差，离晒谱。呢间野一定无下次。