峰景餐廳 (已結業)

早两日约左朋友去THE ONE 既峰景餐厅因为佢午餐有8 折优惠，所以决定一试 ! 午餐系自助沙律吧+main course + 饮品和甜品。自助沙律吧价钱系 HK$150， 而 main course 价钱就睇下选择咩既 main course , 今次我选择左半只龙虾+肉眼扒 ！沙律吧款式唔算太多，有prama ham, cheese, 沙律，虾，南瓜汤等小食。以咁既价钱，确实唔太扺食！轮到主菜，我选择左烧肉眼扒配半只龙虾。个main course 卖相唔错而且份量亦唔细，又有配菜尤其是块肉眼扒，男士食都够饱。不过味道偏咸，有D失望😞甜品有两款选择，一款系黑森林蛋糕，另一款系 movenpick 雪榚！黑森林蛋糕软度唔够，又唔够朱古力味，真系有D伏 😔 而Movenpick 既云尼拿雪榚当然冇失手啦 ! 埋单每位约 $300 有8折再加一，以咁既价钱比较食物质数同服务，其实有好多选择，lee 度胜在人少少，系边食lunch 边倾计亦可考虑既地方！