丸亀製麵 (iSQUARE國際廣場)

营业中

休息中

嚟到尖沙咀呢啲纵横全港最贵地段，要平平地揾间餐厅食饱都唔简单，同时如果想食得好少少就真系难上加难。今次嚟咗位于iSquare 6楼嘅丸龟，系个比较相宜又好食嘅选项。有食过丸龟都知，点餐算系半自助的，先喺bar台同师傅点餐，再拎去埋单，先再入座，所以等候过程同时间都感觉唔太耐的。今次叫咗炭烧鸡肉拌乌冬，抵食亦好食。乌冬嘅质素不在话下，系既有咬口又够弹牙嘅面，而酱汁方面有点肉碎同麻辣汁提味，食落嘅味道似担担面，加上客人可以feel free加例如葱花、姜、天妇罗碎等等嘅配料，大家都可以按喜好customise。而炭烧鸡肉就中中挺挺，表面够脆，但肉身偏干咗啲，但明白量产系喺再保温嘅状态下处理，算不错的了。总体来说，食物真系抵食又高分。除咗食物之外，如果食客体验上能够做得更好就系福音了。环境上，地板颇黐立立，台面都未有清理（呢度温馨提示食客，丸龟系自助还盘的，请自律啊），还有灯光明亮一点会食得更开心。整体来说，可以平平地食得不错已经好好！🫶🏽炭烧鸡肉拌乌冬卖相：⭐️⭐️⭐️⭐️味道：⭐️⭐️⭐️⭐️价钱：⭐️⭐️⭐️⭐️