Wins Goodies (已結業)

有朋友介绍呢一间甜品店，睇过食评都好似好吸引，卖相唔错。难得入黎元朗，咪去试啰。入面座位唔多，小店经营，橱窗嘅蛋糕款式亦都好吸引，不过卖嘅价钱唔平而且件头唔系好大。坐低睇个餐牌都系觉得贵，要知道呢道系元朗，唔系九龙。点咗一个 tea set四款蛋糕加一杯热朱古力。特浓朱古力脆饼，饼底到做得唔错，佢香脆，其实面头个Truffle 雪得太过硬，相信佢整完之后，摆咗入冰箱定型，但系回温未够。佢个绿茶芒果芝士饼，有同样过冻嘅情况，感觉上都系过硬，个绿茶Truffle同埋个芒果冻一切落去就已经分离咗，亦都冇绿茶味。海盐焦糖苹果饼卖相都可以但系未道好淡，唔出，唔系好知食梗咩。 栗子歌剧院饼层次分明，但系中间层牛油忌廉都系好硬，食唔到佢既香滑。呢个Dessert全部的卖相都几好，但系都好似喺冰箱攞出嚟未解冻咁，硬班班食唔出佢嘅香味，有啲失望。反而佢个杯热朱古力奶，够香浓朱古力味，只系稍稍过甜，呢个值得推介！再试咗佢个开心果牛角酥，牛角酥本身 做得几好，唔怕油兼且香脆，但系开心果做甜品本身就好难做好，个味本身唔系好突出，有啲失望。整体嚟讲其实我觉得佢甜品卖相好但系味道同上桌前处理可以做得更好。价钱方面