Sogno Cafe x 雞翼山 (已結業)

星期日想揾个靓靓餐厅，坐得舒舒服服咁食个下午茶, 去到南浪一带，发现果一头开左几间有室外坐位的餐厅，价钱都偏高。大部分都无下午茶套餐，全部食物、饮品都系散叫。我叫左2杯饮品，加2份鸡翼。鸡翼一份6只，系同一个口味，如果想试多一个口味就要叫2份，其实6只一份真系有d多，因为全部都有层炸左嘅脆皮，每只都肥肥的、胀卜卜、好大只。我试左咸蛋黄味及咸柠檬味。咸蛋黄味鸡翼系真材实粒嘅，食到咸蛋黄粒，咸蛋黄出油所以炸完有小小起泡，正常。味道唔会太咸，几香几好味。鸡翼外脆内软，仲保留住鸡翼嘅肉汁，即叫即炸，虽然等得比较耐，但系口感超正，等耐d都值得。另一款咸柠檬味系咸味加酸酸甜甜味的，在炸皮上淋左甜酸酱，所以无咁脆，非常重口味，真系好酸，我呢个味道有新意，但真系觉得一般，下次唔会叫。饮品拣左热mocha, 咖啡味偏苦，唔够朱古力味。另外，鲜果沙冰，好正！总价$150，12只鸡翼加2杯drink, 算好贵。