燒烤堂 (已搬遷) 新店位置

恢复返堂食就好想食烧烤堂嘅串烧，结果真系超级失望！book左食六点半，坐低点左一转嘢食之后，食左大概十五分钟，个姐姐已经过黎同我地讲话系last order，问仲有无嘢要加？跟著问多两句之后就话系厨房惊做唔切啦，所以要提早落单，好啦，咁我地唯有就落第二转嘢食喔。我地眼宽肚窄，好多嘢都好想食，第二轮叫左22串嘢，啲嘢开头黎几串，去到7点半左右，啲嘢食一窝蜂咁上晒，摆满个台面，我地都冇停过系咁食啦，结果呢，去到八点，个姐姐已经系我地个位系咁徘徊同望住，感觉就系催你快啲还台，但系我地仲有好多嘢食系台面，去到8点零五分，个姐姐就行埋黎话食嘢嘅时间已经够啦，不如俾个外卖盒你打包伶走啦😡😡😡哇，果一刻真系嬲！我地两个人食左1200蚊，啲嘢食你要时间烧，上到台面我地都要时间食㗎，我地嘅消费等于四人台嘅份量，而隔离后面嘅四人台早过我地入，结果佢哋仲迟过我地走，咩道理？啲服务态度真系好差，用1200蚊将啲嘢食塞入口，惨过食个快餐！最重要嘅系，啲嘢食质素已经差左好多，烧得啲鸡翼劲黑，然后反转就当无嘢，啲菠萝唔到埋单，要催单嘅时间都唔上，咁人地点有时间食？最重要嘅系，食完返屋企就肚疴，真系以后都唔会帮衬！服