Mango Tree Café (已結業)

去到太古探新入伙既朋友，突然谂起想食泰国菜，想食泰式生虾刺生，不过朋友左谂右谂都揾唔到边间有得食泰式生虾刺生食，而附近泰国餐厅唔多，最后决定去太古城 Mango Tree Cafe 食泰国菜，虽然冇泰式生虾刺生食，但都可以叫个冬荫功汤止下泰国菜瘾。叫咗个二人餐，其实价钱都唔平，不过计落二人餐比散叫真系抵好多。前菜拼盘 (鸡、牛肉沙爹、 冬荫炸鸡翼、烤猪肉鲜虾米纸卷)一个拼盘有齐咁多小食、肉食，好丰富，烤猪肉鲜虾米纸卷味道清新，最特别赞既就系冬荫炸鸡翼，开边鸡翼，炸皮惹味，里里外外都好入味冬荫功味。如果唔叫餐，下次都会必食呢个冬荫炸鸡翼！烧安格斯肉眼扒5成熟牛扒生熟度控制得啱啱好，牛扒仲有牛筋，烧得惹味又好有咬口。幼薯条值得一赞，好特别，好好食，皮脆，但里面口感烟韧，好有咬口，可惜份量唔多。泰式大虾炒粉丝平时多数系食炒金边粉，今次系第一次食用粉丝炒，不过口感都系金边粉夹D好食D，不过整体味道好食。黑糯米汤圆怕食甜既一定会好钟意食，因为黑糯米完全唔甜，味淡，最啱钟意食甜品但又怕甜既人。汤圆系甜既黑芝麻馅。班兰焦糖炖蛋 班兰味淡，味道同一般焦糖炖蛋 一样。