HABITŪ all day (已結業)

一家人去庆祝，去左呢间贵价cafe。我地叫左「浓香烟肉忌廉意粉」、「菠菜软芝士云吞」、「意式至尊簿批」、「米兰式薄脆猪扒」、「至尊牛肉汉堡」。「浓香烟肉忌廉意粉」有好多忌廉，好creamy，味道够浓。而烟肉都算多，都食得过既。「菠菜软芝士云吞」一样都好creamy，云吞好薄一片一片，食落有微微既菠菜味。「意式至尊簿批」个批都算大，要起码3、4人先食到。个批系薄批，都算脆。批上面既料唔算多。「米兰式薄脆猪扒」块扒真系好大好大，系平时系茶餐厅食到个种2倍或以上既size。食落都好有肉味，不过，未必个个惯呢种味。「至尊牛肉汉堡」就煮得老左D，唔够juicy，而个包麻麻地，系松包个果，感觉一般。呢间野食既份量都好大份，味道够西式，未必岩晒所有人口味。