灑家粥麵 (已結業)

观塘返工，有时唔舒服想食碗粥都好难揾，又唔系咁想食海*粥店，上网揾完就决定去洒家买碗外卖。睇到个餐牌，都几多选择，但价钱都几贵，一碗皮蛋瘦肉粥都索价$45。睇完后叫左碗肉丸猪润粥，$47蚊，等左几分钟就有得拎。返到公司碗粥仲好热，总共有4粒肉丸3块猪润，我觉得呢个价钱料可以多少少。个粥底好绵，又唔会太淡，夹杂少少瑶柱丝，唔错！初时担心猪润太厚会唔会个心唔够熟，但呢个担心系多余嘅，因为三块猪润好薄，冇咩咬口。反而肉丸有惊喜，有鲜味而且好弹牙。喺观塘$47蚊碗粥真系几贵，味道不俗，但性价比低。