Made in HK Restaurant (已結業)

今日有事去左观塘apm, 之后约左人食饭，朋友带左我去呢间Made in Hong Kong, 睇个名就谂佢系咪标榜香港本土味呢🤔。因为早餐食得好饱， 而且朋友话set lunch 份量好大， 所以我地唔敢叫， 只点了个特餐。我点左嘅系罗宋汤牛尾缧丝粉，配煎蛋菠萝包。碗粉份量确实真系好大㖞， 而且好足料， 里面有三大件牛尾😅牛尾炆得好腍都几入味， 汤底像真情度好高一啲都唔流架👍。煎蛋就系煎蛋冇特别， 但个菠萝包就强差人意🙄包嘅质地似放左一段时间嘅餐包，有啲干同硬， 上面层酥皮一啲都唔酥，总之就... 劝你拣多士算喇！讲真佢食物质素尚算可以，我见到其他客人点嘅午市套餐份量真系好大， 而且个卖相都似好得咁，不过佢性价比好低，个特餐要七十几蚊，一啲都唔算平。但听讲apm啲餐厅都系偏贵，呢间已算中价喇㖞😅。