香港地 (已結業)

今日迟左放工懒得返屋企煮饭,所以约朋友出街食,我地见呢间茶餐厅都新新地,又好多人入去食,所以我地都入去试下!!餐厅环境开扬,位同位之间唔会密质质,装修有点昔日香港茶餐厅的味道,可惜抽气系统唔算好,开放式厨房的油烟味走哂入去!!打开餐牌有好多选择,小菜,粉面饭都有,不过价钱就贵左d,叫1个小菜唔包饭同餐饮,要另外加钱,一个一人餐都差不多成旧水,最后叫左2个煲仔小菜,1个小菜,1碟饭,1碟意粉!<鱼汤鲜菌海味粉丝杂菜煲>有菜心,西兰花,生菜,虾,鱿鱼,菇,粉丝等,味道比较淡,全部既菜都太大条,好难咬断!<柱侯萝卜牛筋腩煲> 萝卜炆得好林,牛筋腩煮得好入味,味道不错!<鲜菠萝咕噜肉> 咕噜肉粉浆厚厚不脆口有点失色!!配菜有三色椒,洋葱同菠萝,甜酸汁的味道酸酸味味好开胃!<海南鸡饭>咬开鸡肉有d红,应该未熟得哂!!鸡肉整得唔算油,没有鞋口的感觉!<牛柳丝炒意粉> 都几大碟,牛柳丝唔算多,意粉好油,仲有d咸,但味道可以!整体来讲,茶餐厅环境不错,味道不过不失,但价钱略贵.