夏茶

营业中

休息中

夏至之后日日都热死人🥵🥵喺instagram见到呢间夏茶个「芒果椰子冻」好似好正咁，就过黎试试佢啦。落单唔洗排队，但我哋星期日下昼2点去到已经卖晒「芒芒椰子冻」🙄，只有「荔枝冻」喺个椰青壳入面，都好啦咁热就试吓。呢个甜品$55，入面只有透明啫喱+好多粒荔枝喺个椰青壳到，早知我去超市买个椰青+一梳荔枝仲好啦。个甜品仲要好重，如果冇揸车要烈日当空企喺条街食真系唔好制。另外再加咗一杯「芝士奶盖椰子雪沙」（原价$45，特价$40），呢饮就好好饮呀，好解渴，味道都好夹，饮落系类似椰奶沙冰咁嘅味。整体黎讲，价钱非常贵，可以拣其他椰汁店更好。