四爺車仔麵專門店 (已結業)

话说有同事食嘢比较奄尖，要去啲比较贵同门面靓嘅地方先会食，感觉上干净卫生啲㖞🤷‍♀️， 所以我哋就去咗四爷食贵价车仔面！佢系先拣汤底，再拣面底，然后拣想食嘅𩠌，𩠌就分咗三大价钱，最少三𩠌起，会送热饮一杯或者加钱转冻饮或特饮。咁啱我拣咗两个𩠌都系咖哩，系咖哩牛柏叶同咖哩鱿鱼，同埋紫菜，我谂佢有汁嘅𩠌都系分开上，可能呢个就系佢贵嘅地方！ 佢嘅咖哩汁似日式咁有啲甜，其他食物就冇乜特别，真系好似出面嘅车仔面！