來佬餐館 (已搬遷) 新店位置

系中环夜妈妈经过都唔知食咩, 行过见到未收就行左入去食啦. 坐低先知原来都几贵, 不过中环嘛, 就算啦. 叫左个餐食, 成个餐都四百几@@ 有一只乳鸽, 我都好耐冇食过乳鸽, 以前成日都上大陆食. 哩只乳鸽比起以前食果D都几细只, (唔知系咪细个食咩都觉得好大件嘅关系) 好多骨 又冇乜肉, 仲要系间禁high class嘅餐馆度就废事用手食啦, 用刀叉食就唔系好方便啦... 不过D汁先系卖点 好似系. 真几好味嘅, 果个系瑞士汁, 甜甜地咁几好味, 不过可惜嘅系只乳鸽唔系好入味, 嘥左个汁 另外个餐仲有笼点心, 一个系黑松露猪肉烧卖, 黑松露味唔够出, 不过其实佢得几粒系个面度, 都预左唔会好有味. 一个系普通虾饺, 真系普通, 冇咩特别. 一个系菠菜粉果, 所以个皮就系绿色啦, 不过其实我食唔出有菠菜味xd 仲有一碟茄汁意粉, 有虾果d, 冇乜送, 有d斋, 个汁又唔系好够, 愈食愈觉得好干... 个餐仲有餐包同餐饮嘅, 系个二人餐, 不过我都系觉得好贵, d野其实唔系好特别, 不过食环境咯, 个FEEL的确好high class嘅~