美心.翠園 (已結業)

出发旅行前，大队长请大家饮茶，装修中式清雅唔娘，最正系个超高楼底，令人好舒坦！我哋人多坐最入嘅大枱，每区会用啲疏隙屏风分隔，唔会好无私隐！人多可以叫到多啲款式（我最开心影食物！🤳）煎南瓜包：一个镬仔四个包，无食脆皮五层肉：细细件，肥瘦相间，皮脆好味！一口鲍鱼挞：卖相赢晒，鲍鱼仔炆得入味，有咬口好味，挞底松脆！鲍汁炆凤爪：凤爪炆得入味，鲍汁比豉汁更浓香，又唔会好咸，好味！花胶瑶柱灌汤饺：无食，不过我唔喜欢浸汤嘅饺，喜欢包住汤嘅饺多啲！煎粉果（连汤）第一次食煎粉果，皮薄但炸得几实，唔够松化，馅料系爽口嘅虾为主，汤系云吞面嘅大地鱼汤，味道清而浓味，唔油腻！汤几好味！叉烧酥：摆盘精致，无食鲜虾韮菜饺：晶莹剔透，见到胀卜卜放满晒切碎嘅韭菜虾肉爽口，皮烟韧，好味！煎畔塘马蹄榚：好深啡，马蹄片大块有爽脆口感，榚身烟韧甜美，好味！煎萝卜榚：微脆口，榚身偏淋，萝卜味浓，清甜唔假，索晒腊味油份咸香好味！翡翠龙虾肠粉：肠粉滑溜，虾爽口！好味胡麻酱罗马生菜：生菜爽脆唔老，胡麻酱唔会太杰，酸酸的开胃！海蜇头：海蜇爽爽爽有咬口，不过酱汁唔够麻香！花雕蟹肉烩伊面：卖相抢眼，用料足，蟹肉蟹籽都落得多，但酱汁味道偏淡，