大呷台灣 (已結業)

情人节staycation前谂住求其食，叫左红烧牛肉面、盐酥鸡、溏心蛋肉燥饭、小笼包。红烧牛肉面正常，面还好，牛肉正常，但98算贵。盐酥鸡ok几好食，但份量少，68算贵，之后见到隔离枱份鸡扒都系58，好似抵食好多。溏心蛋竟然无味，完全无谂过。小笼包块皮好厚，厚到夹几次都无穿，咬入去好少肉汁，味道正常。肉燥饭奇怪嘅味道，少少酸味。嘢饮应该系粉同浓缩果汁冲，好彩无叫奶茶。总括嚟讲系难食，食材唔高质，埋单已差不多400。之后夜晚食酒店晚餐，无耐就肚疴，仲要2个一齐，酒店食物虽然麻麻但唔觉有怪，最有可能都系晏昼果餐，情人节一齐肚疴到第二日😭😭😭唔会有下次。