笑麵虎車仔麵 (已結業)

返工见开左间新店食车仔面，装潢不错个名又几得意就去试下。出面等候有D乱，等外卖既又排紧队，堂食既又一齐排。之后先发觉堂食直接入去就会有侍应带位。坐则边位D高凳，MENU系可擦的胶片，环保加分。面、汤同汁可分开拣。加左$4试特别汤底，拣埋沙嗲汁。到拣野食，想试五花腩脆片，冇得卖；手制汉堡，刚刚卖晒；仲有好几样特别D既食送都冇……咁唯有拣其他普通既野食。上菜系快既，车仔面嘛。点知上错左….我要油面佢上左粗面…已经唔太开心，都唔使佢换啦，同佢讲番，即系哦左一句… 我点左水饺同唐心蛋(因为有虎爪，即系推荐啦)，加埋生菜。份量少到呢…水饺好细粒，唔系见到有D木耳我以为系云吞…菜都系少最唔掂系只唐心蛋!!!!零‧唐‧心!!食到呢度忍唔住要影相。同食烚蛋系冇分别的！唔讲以为食紧茶叶蛋，只系比茶叶蛋软D都冇咁干…最好系D汤底，可能加左沙嗲汁，系几惹味既，不过其他(包括面)就真系强差人意。跟住佢d「虎爪」拣都伏，而且价钱又偏贵，食楼下平D既车仔面仲冇咁嬲，所以应该冇下次了。