影片
更多
2010-09-21
423 浏览
之前同友人嚟过，觉得唔错，所以成日都想带肥面嚟试一试，终于等到今日喇！可能今日系星期一嘅关系，客人唔算多，所以无上次咁嘈、咁焗声。记得上次嚟好似有花生做前菜，但系今次已经无咗，即系变相已经加咗价。我哋今次叫咗：香辣口水鸡夫妻肺片沸腾水煮鱼泡椒嫩牛肉辣子肥肠先嚟两个凉菜，口水鸡嘅味道都几浓，而且鸡本身好滑。整碟鸡香得嚟带点点辣，非常易入口。但系可惜嘅系所有嘅鸡件都系细细嚿嘅，比人感觉好似将啲头头尾尾混埋一碟咁就算，份量颇小兼夹食得唔个引。相比口水鸡，夫妻肺片就仲无咁辣，而且红油好香，加上少少嘅芝麻、芹菜，令到成碟凉菜好吸引。轻轻嘅麻味，配上上乘嘅用料，口感一流，而且仲好入味，有食到停唔到口嘅感觉。伴菜嘅花生亦都好香口，好脆！主菜先嚟水煮鱼，一放低时的确相当沸腾，卖相好好，感觉正宗。此店用上桂花鱼，鱼质的确嫩滑可口，带出少少嘅麻辣味道，不算十分浓烈。嗜辣嘅朋友可能会略嫌味道不够辣。个人认为，相较上次嘅嚟食水煮鱼嘅味道，今次麻辣味的确减咗。此外，鱼片嘅数量其实少嘅可怜，只有一堆大豆芽同茨粉垫高整兜鱼，幸好，大豆芽加茨粉索咗啲味，食落都几好味，同时又可以顺便当填肚。再嚟就系泡椒嫩牛肉，呢个菜同
可能今日系星期一嘅关系，客人唔算多，所以无上次咁嘈、咁焗声。记得上次嚟好似有花生做前菜，但系今次已经无咗，即系变相已经加咗价。
我哋今次叫咗：
香辣口水鸡
夫妻肺片
沸腾水煮鱼
泡椒嫩牛肉
辣子肥肠
先嚟两个凉菜，口水鸡嘅味道都几浓，而且鸡本身好滑。整碟鸡香得嚟带点点辣，非常易入口。但系可惜嘅系所有嘅鸡件都系细细嚿嘅，比人感觉好似将啲头头尾尾混埋一碟咁就算，份量颇小兼夹食得唔个引。
相比口水鸡，夫妻肺片就仲无咁辣，而且红油好香，加上少少嘅芝麻、芹菜，令到成碟凉菜好吸引。轻轻嘅麻味，配上上乘嘅用料，口感一流，而且仲好入味，有食到停唔到口嘅感觉。伴菜嘅花生亦都好香口，好脆！
主菜先嚟水煮鱼，一放低时的确相当沸腾，卖相好好，感觉正宗。此店用上桂花鱼，鱼质的确嫩滑可口，带出少少嘅麻辣味道，不算十分浓烈。嗜辣嘅朋友可能会略嫌味道不够辣。个人认为，相较上次嘅嚟食水煮鱼嘅味道，今次麻辣味的确减咗。此外，鱼片嘅数量其实少嘅可怜，只有一堆大豆芽同茨粉垫高整兜鱼，幸好，大豆芽加茨粉索咗啲味，食落都几好味，同时又可以顺便当填肚。
再嚟就系泡椒嫩牛肉，呢个菜同口水鸡一样有同一通病，就系啲牛肉好似碎上咁，食落时真系一粒都不能少，因为份量实在太少……但系味道系好嘅，唔算好辣，牛肉都确系鲜嫩。
埋尾食埋个辣子肥肠，其实系将啲大肠炸到干咗咁，食落好香又唔会搞到成口油淋淋。肥面就一路都嫌呢个辣子肥肠一啲都唔辣，唔系几入到味；但系我就觉得如果嗒真都会觉得有少少辣味入咗啲大肠度。最神奇嘅就系当食晒呢碟肥肠时，好似完全同你洗口咁，连口中之前嘅少少辣味都吸走埋！
整体成餐晚饭嘅𩠌菜味道其实系唔错嘅，不过比起上次，所有菜式嘅辣味好似减淡咗咁。而且到埋单时先知原来已经加价加到$180一位，即系加咗$12，但系份量就比之前少咗好多，有少少唔够食嘅感觉。服务方面，绝对唔会系殷勤，总之有𩠌就拎比你，你要茶就会斟比你，但唔会系脸带笑容𠮶只架喇！如果仲系收$168我就会觉得抵啲，但系宜家加咗价而份量又咁的骰，咁可能无咁快返转头喇！
张贴
