千両 (已搬遷) 新店位置

今日同事话去食千两，咁就跟大队啦，车，我以为咩日本餐厅，板X都唔平啦。哗！一去到门口，即刻出冷汗，睇佢门面，都唔方平得去边，睇埋餐牌，想点呀？出双粮呀？边食得起呀？即系豪一次啦！听日食面包啦！于是点咗个最平既A餐啦！个餐送到黎，而！个卖相唔错㖞！份量都可以㖞！先试试个面豉汤啦，都系咁啦！全世界个面豉汤都系差唔多架啦！个乌冬几好味㖞，弹牙，唔会一嚿嚿，个汤又清。再试下啲寿司先。一睇件三文鱼，佢烧过㖞，唉！烧过即系腥爆啦！我唔得架㖞！不过八十几蚊，腥都食架啦。但睇真啲！佢唔系全熟，于是放入口啦，哗！好食到你唔信呀！我未试过咁好食既三文鱼寿司架！讲唔到点好食，自己试啦！最后讲埋天妇罗炸虾，想点呀？我以前食果D系乜野天妇罗黎架？我呢一刻先知，天妇罗系可以好好味架㖞。食完晒之后，我一啲都唔觉得 90 蚊系贵啰！对唔住呀！怪错咗你！