影片
更多
2012-11-03
58 浏览
唔知几时开始，打边炉被画分成两个阵营。平𠮶啲，肉类无肉味，牛肉又肥到死，四宝丸食完到分唔出味。贵𠮶啲，无四五百一位唔好谂住食得饱。呢间潮民就系食贵𠮶只。环境其实似街坊生意，不过尽量做到好企理。侍应亦个个笑面迎人。至于火锅料，有著有唔著。先讲本地手切牛$218，面头𠮶啲几靓，脂肪均匀，牛肉味浓郁，不过都有少少靭。但下面铺住𠮶啲就唔多掂，脂肪位占一半以上。同面𠮶啲真系差得远。咁样嘅presentation 真系觉得揾笨。特上安格斯牛肉粒$128，呢个唔建议柯打，睇见就觉得少得可怜，肉地亦鞋同靭，枉有特上之名，并无特上之实。再举一个贵到飞起嘅例子，6只鲜冬菇就收$32，更好食都系街市买到好寻常嘅鲜冬菇啫。最后讲埋个汤底，叫咗荽茜皮蛋汤，开始好好食，返到屋企就知死，劲饮两杯冰水先解到渴。究竟仲有无啲又抵食又好味嘅火锅店？
唔知几时开始，打边炉被画分成两个阵营。平𠮶啲，肉类无肉味，牛肉又肥到死，四宝丸食完到分唔出味。贵𠮶啲，无四五百一位唔好谂住食得饱。呢间潮民就系食贵𠮶只。环境其实似街坊生意，不过尽量做到好企理。侍应亦个个笑面迎人。
至于火锅料，有著有唔著。
先讲本地手切牛$218，面头𠮶啲几靓，脂肪均匀，牛肉味浓郁，不过都有少少靭。但下面铺住𠮶啲就唔多掂，脂肪位占一半以上。同面𠮶啲真系差得远。咁样嘅presentation 真系觉得揾笨。
特上安格斯牛肉粒$128，呢个唔建议柯打，睇见就觉得少得可怜，肉地亦鞋同靭，枉有特上之名，并无特上之实。
再举一个贵到飞起嘅例子，6只鲜冬菇就收$32，更好食都系街市买到好寻常嘅鲜冬菇啫。
最后讲埋个汤底，叫咗荽茜皮蛋汤，开始好好食，返到屋企就知死，劲饮两杯冰水先解到渴。究竟仲有无啲又抵食又好味嘅火锅店？
张贴
