名館 (已結業)

特登过铜锣湾饮菜，谂住试下佢个麻雀十三么椰汁糕，点知张点心单原来冇，可能晚市先有挂。叫左个午餐大澳虾干豚肉竹筒饭配点心黑糖马拉糕加杯野饮，70几蚊，但马拉糕好实，唔松软，同便利店啲马拉糕一样难食，而且冇黑糖味，唔掂但蒸饭就一般啦，但啲猪肉都爽口嘅。鹌鹑蛋烧卖，42蚊原来得两粒，普通野，山竹牛肉球30蚊，系大粒啲，但又系普通菠菜锅贴唔够脆，小笼包竟然穿哂冇哂啲汤汁。流沙包造型核突之外，一啲都唔流心，个包实的的，又唔够馅。黑椒安格斯牛粒，有“那“粉，用大量黑椒汁谂住遮左阵味，不过唔掂猪手个汁唔好味，炆得唔够林，而且揾啲猪肠粉垫底，好唔夹。天鹅酥系几靓，但紫薯馅，唔系太好食，觉得好似啲豆沙馅咁。石锅鲍鱼鸡粒炒饭系比较好食啲唯一一样好食啲嘅野:不过杯茶好饮过平日茶楼，乔麦茶，8蚊茶位。全餐都冇野好食:点心唔出色，大把创意点心好食盅，唔会再黎好