意八餐廳 (已結業)

约左班同事喺度聚餐环境虽然逼夹，都将就算了但一坐低就成肚气侍应太冇礼貌，黑口黑面话我坐到阻住人，有冇搞错？自己地方逼夹，仲诸多要求要人地要点坐点坐。到左点菜，换左另外一个侍应又系黑面神，口㶶面㶶，间餐厅灯光黑孟孟姐，估唔到侍应面色仲黑！叫左份渔人码头脆卜卜炸鱼柳（$57），仲有杯热奶茶（16）奶茶普通水准，鱼柳就真系几脆卜卜，味道都唔错，可惜心情劲受影响，其实食乜都冇乜味啦，成肚气亦难消化，况且，喺黄大仙呢个地方黎讲，咁个价钱唔算便，但态度就就真系……唉！好地地一间餐厅，就因为侍应既态度极差令人留下阴影！