天草漁場 (已結業)

星期六黄昏才致电即晚卜枱，预约七点半都有位。上到去发现得一枱客人食紧，心知不妙，散叫左海胆，鹅肝鸡翼，天草渔场卷，牛肋条同埋黑松露饭团，埋单差不多成六百几。首先最唔抵系牛肋条，成旧水一客，谂住起码有两串，点知竟然得一串，只得三寸半长，味道真系好一般。第二系鹅肝鸡翼，$58一只，仲要唔系全翼都咁贵，又烧得唔够香。最离谱系服务质素，因为冇咩客，成四五个侍应招呼两枱客人，收碟收得特别快，我地食完上述既野之后，一放低筷子个侍应就冲埋嚟问我地仲叫唔叫野食，一刻都冇得抖下，原本仲谂住叫多Round，但一听到佢咁问法就咩都唔想食喇，答佢冇喇，佢即刻就收晒枱面d野，一副赶客款，我以为茶餐厅先至会咁对d客人啰，旁边d枱完全冇人坐，又冇人等位，都唔明点解要赶人走...整体嚟讲，得个贵字，但唔值啰。