影片
更多
2011-07-31
42 浏览
唔知系咪广告效应，睇得多真系令我有冲动去太兴饮佢嘅冰镇奶茶！唔理三七廿一，tea time约埋两个fd一齐去华兰路太兴啦！入到太兴，侍应领我们到路口嘅＂2：1＂卡位，甫坐下朋友甲即刻开始黑面！ （因为佢嫌迫夹，冷气又唔够！连珠炮发的嚷著要转台！－－最终我地都有转台，转去一张＂正式的＂2：2＂4人卡位！）始见朋友甲＂黑面＂渐褪，便开始睇餐牌嗌野食！睇睇餐牌，太兴嘅饭喺价钱方面，唔连野饮，tea time要$31；平时的话：碗装要$46、碟头要$54 ，哗，单拼已经咁，双拼饭更是不得了！。。。仲未计系咪普通的单拼，如要一些特色的，比如：熏蹄、烧排骨、鱿鱼等等。。。汗颜耶！如果叫埋野饮，真系不得了！我地睇黎睇去，将所谓的餐牌翻看又翻看，良久都拣唔到食咩，因为实在太贵而且好似唔系几值！ 太兴嘅标价无疑令我地嘅食欲即时减了一半！最后，在拣无可拣的情况下，我只好要了平白的奶酱多！朋友甲要了肉松沙律薯杯，而朋友乙就叫了个星州炒米！ 下午茶时段食件奶酱多都要成$24（加冰镇奶茶再加$3），换言之，成个多士tea set要成$27！$27其实可以食个饭！或去普通茶仔，食个只系廿多元、有汤粉＋奄列＋多士＋
唔知系咪广告效应，睇得多真系令我有冲动去太兴饮佢嘅冰镇奶茶！唔理三七廿一，tea time约埋两个fd一齐去华兰路太兴啦！
入到太兴，侍应领我们到路口嘅＂2：1＂卡位，甫坐下朋友甲即刻开始黑面！ （因为佢嫌迫夹，冷气又唔够！连珠炮发的嚷著要转台！－－最终我地都有转台，转去一张＂正式的＂2：2＂4人卡位！）始见朋友甲＂黑面＂渐褪，便开始睇餐牌嗌野食！
睇睇餐牌，太兴嘅饭喺价钱方面，唔连野饮，tea time要$31；平时的话：碗装要$46、碟头要$54 ，哗，单拼已经咁，双拼饭更是不得了！。。。仲未计系咪普通的单拼，如要一些特色的，比如：熏蹄、烧排骨、鱿鱼等等。。。汗颜耶！如果叫埋野饮，真系不得了！
我地睇黎睇去，将所谓的餐牌翻看又翻看，良久都拣唔到食咩，因为实在太贵而且好似唔系几值！ 太兴嘅标价无疑令我地嘅食欲即时减了一半！最后，在拣无可拣的情况下，我只好要了平白的奶酱多！朋友甲要了肉松沙律薯杯，而朋友乙就叫了个星州炒米！
下午茶时段食件奶酱多都要成$24（加冰镇奶茶再加$3），换言之，成个多士tea set要成$27！$27其实可以食个饭！或去普通茶仔，食个只系廿多元、有汤粉＋奄列＋多士＋餐饮嘅常餐！。。。
肉松沙律薯杯$22＋冻饮$3，盛惠$25
个名好似几吸引，但其实只系两块size如memo纸般大小的炸薯皮，里面装住Ｄ被沙律酱捣匀嘅碎蛋白，上面洒有少许猪肉松。。。
星州炒米$32＋冻饮$3＝$35
tea time时段，都预左份量唔会太多，size唔会太大碟，但太兴嘅星州炒米系用个U形嘅兜装住，size细细、份量自然唔会多得去边，夹两注就好快食晒！用呢个价钱订价，好似贵左Ｄ㖞！
小插曲：
朋友甲想要杯少甜嘅冰镇奶茶，落order时点知个侍应话冰镇奶茶系预先整好晒嘅，所以系冇少甜／走甜之分！如果想饮少甜的奶茶，叫普通的那种冻奶茶则可以！。。。由于个侍应口音系半咸半淡的广东话，朋友甲唔太听得懂，如是者二人＂鸡同鸭讲地＂一问一答！。。。到最后，个侍应竟然同朋友甲落错order，由本来想饮嘅冰镇奶茶，变成一杯普通而涩口嘅＂少冰少奶＂冻奶茶！Oh my God！
张贴
