影片
更多
2012-05-19
71 浏览
贵在价钱，富在内馅，就系我俾Brat嘅终极评语。每份热狗卖近百大洋，算系城中数一数二之贵，但有质素、有特色，又有其吸引人之处。所以揾咗依度帮太太庆祝生日。全店黑白灰为主色调，门口落地玻璃，地台单以水泥铺成，但配衬以原色嘅木枱木凳，冷酷得嚟有种随和感。加上一室灯光调校至昏昏暗暗，而枱上又点有蜡烛杯，虽然系热狗店（其实应该系美式香肠专门店），但入夜后嘅店内环境，确几有气氛吓，唔系拘束，而系叫人放松咁！打开餐牌，有沙律、餐汤、全日早餐、厨师意粉精选、香肠拼盘、10吋薄饼、多款浓郁惹味油炸美式小食（如炸芝士、洋葱圈、水牛鸡翼……）及多款配菜；当然仲有餐牌右手一栏嘅「Be A Brat」，主打肉肠热狗，细数一下有15款之多，好多都极具特色嘅，如干番茄香蒜雅枝竹肉肠、罗勒罗马绵羊芝士香蒜肉肠、古耶芝士艾曼图芝士香蒜肉肠、干番茄水牛芝士肉肠……，所有肉肠有公仔标明系鸡肉（混杂埋火鸡肉）、猪肉、牛肉定素肠，而每只肠都有说明包括咩成份，等你心里有数。面包方面只有两款：招牌白包同黑麦包，店员介绍话前者似系一种短身嘅法包，口感松脆富牛油香；而后者教软身，麦味会重啲又带有少少酸甜味。此外，有5款芥末酱汁，及多
全店黑白灰为主色调，门口落地玻璃，地台单以水泥铺成，但配衬以原色嘅木枱木凳，冷酷得嚟有种随和感。加上一室灯光调校至昏昏暗暗，而枱上又点有蜡烛杯，虽然系热狗店（其实应该系美式香肠专门店），但入夜后嘅店内环境，确几有气氛吓，唔系拘束，而系叫人放松咁！
打开餐牌，有沙律、餐汤、全日早餐、厨师意粉精选、香肠拼盘、10吋薄饼、多款浓郁惹味油炸美式小食（如炸芝士、洋葱圈、水牛鸡翼……）及多款配菜；当然仲有餐牌右手一栏嘅「Be A Brat」，主打肉肠热狗，细数一下有15款之多，好多都极具特色嘅，如干番茄香蒜雅枝竹肉肠、罗勒罗马绵羊芝士香蒜肉肠、古耶芝士艾曼图芝士香蒜肉肠、干番茄水牛芝士肉肠……，所有肉肠有公仔标明系鸡肉（混杂埋火鸡肉）、猪肉、牛肉定素肠，而每只肠都有说明包括咩成份，等你心里有数。面包方面只有两款：招牌白包同黑麦包，店员介绍话前者似系一种短身嘅法包，口感松脆富牛油香；而后者教软身，麦味会重啲又带有少少酸甜味。此外，有5款芥末酱汁，及多款配料供配搭，但每个包只限拣一款，真系每项细节都做得精细。
其实散叫逐样计都几确系几贵，不过，可幸早前店子搞团购推广，$68就可以有一个精选一人餐，包一款热狗或意粉，一客小食，再加一客甜品同餐饮。而下面个价目系散叫价，以供参考！炸薯条 $40及炸番薯条 $45
先来两个小食，炸薯条系配自家制黑松露酱，而炸番薯条则配没有跟任何酱汁。薯条同番薯条同样炸得松脆唔油，以两个小不锈钢小筲箕盛载，型格十足。虽然薯条系连皮切，但没有影响口感，蘸点黑松露酱，虽则松露香味唔系好浓，在蛋黄酱中隐约渗出点点松露幽香，配以炸薯条感觉唔错，至少比起经常食到嘅蕃茄酱有多啲新鲜感啦。至于炸番薯，感觉更特别，甜甜好有番薯嘅粉香，小弟觉得净食最体现番薯嘅甜香，麦记都不妨谂谂佢啦，唔使上嚟食成四十几蚊一客咁贵丫嘛。
厨师精选意粉（Chef’s Pasta） $128 两个主菜，拣一个意粉，一个热狗。今晚嘅意粉精选系西班牙辣肉肠意大利粉配忌廉汁，西班牙辣肉肠叫Chorizo，真系唔讲唔识，餐牌介绍只肠系以芫茜、蒜头同啲辣味香料做嘅鸡肉肠，香香辣辣几惹味，肠肉又好有质感，唔会一团粉，又几好㖞。而意粉煮得烟韧有咬口，恰到好处，忌廉汁调校稀杰刚好，很香忌廉味，滑溜得嚟意粉又挂到汁，整体做得很到功夫。不过，单叫价卖到$128一客，贵唔贵就见人见智。
大啡菇鸡肉肠热狗（Portobello） $88面包拣来黑麦包，贪其重麦香，而包身长度厚度系店方要求本地面包工场特制，长度同条肉肠啱啱好，而厚度唔会太横，免得难食。热狗包放晌印有店名嘅木板送上，又一型格手法。肉肠成份包括多种菇菌：大啡菇、牛肝菌、香信菇，并以鼠尾草调味，我当然无咁叻食得出个成份啦，只系睇番个餐牌，有啲字都未识解，先问问阿侍应哥仔啫，怪不之得咁浓菌味啦。加上我最钟意嘅蜜糖芥末汁，微辣带甜，肠肉又油润，外皮烤得香脆，果然甚出色。阿哥仔顺便介绍埋，佢话店内嘅热狗肠用美国出产嘅全天然肠衣，安心食用之余又健康，而香肠都系先烚熟，再以火山石炉烧香，所以零舍脆口，仲有系肠肉以纯手打，不会搅得太碎，怪不之得食落有粒粒口感。原来一条肠咁大有学问，唔讲唔知，所以要卖到咁贵一客热狗。
云喱拿雪糕雪糕系Ben & Jerry’s品牌，不过卖相就过于普通，单单一只香蕉船长碟，放上两球云喱拿雪糕，撤少少唂咕粉就系喇，无多余半点装饰。雪糕味道感觉天然，云喱拿味唔造作，质感柔滑。
餐饮小弟点咗杯鲜奶咖啡，散叫要成$40架，口感几细腻香滑，而太太例牌热柠水，清清味蕾，亦为依餐作结！估唔到只系食热狗、意粉，太太对今餐生日饭都收货㖞，佢话就系啲肠够特别啰！
题外话/补充资料：
店铺网址：www.brat.com.hk，网站有餐牌提供，以供参考！
(以上食记乃用户个人意见 , 并不代表OpenRice之观点。)
张贴
