殷悅

营业中

休息中

我间唔中都会同我daddy黎饮茶，虽然比起其他茶楼系贵少少，但物有所值。坐得舒服d,服务又好d，野食都好有质素。带子肠粉：清清地几好味，每条肠粉大约有4粒带子，肠粉皮好滑，好正。熊猫芋蓉包：小朋友最爱，芋蓉够香滑、浓浓嘅芋头味，一流。凤爪：同普通茶楼唔同，唔会食到成口一堆酱，但佢系将一只鸡脚切一半上，所以 其实份量系比出面细。海鲜炒乌冬：用铁板上，上台时仲热到喳喳声，个底有炒蛋垫住唔会令乌冬痴底，配料有北寄贝，虾，青口，鱿鱼，唔系急冻海鲜黎，所以每样野都唔会有雪味，但变相个北寄贝好硬鱼翅饺：面头都几多鱼翅但个饺就稍淡，好似冇咩调味咁。带子烧卖：入面唔会有一大旧肥猪肉，但又唔会令到个烧卖好鞋，配上带子又几得意。黑松露饺：好香松露味，饺入面有虾同菜，新式嘅点心，玩味够。呢度系真系贵d，但每个侍应服务一流，另外佢有一只叫人参乌龙茶系好香，系出面茶楼少见嘅，每次黎都会叫呢只茶饮。