王幺妹黔川米線

营业中

休息中

我今日经过红磡，就被「贵川」呢个词汇所吸引。我向来钟意食唔同国家嘅特色食物，贵川米线真系未试过。米线嘅汤底分别有酸辣，清汤，麻辣同酸汤。贵川遵义羊肉米线配清汤，本来仲担心清汤会淡而无味，点知有惊喜。因为有羊肉嘅关系，每一口汤都充满羊既香气。呢度嘅米线都好特别，有少少似粉仔，较易断开，口感软稔。而羊肉带点轻微嘅膻味，容易入口。而另外一款酸汤米线，酸味来自黑醋，味道偏酸。𩠌菜嘅份量亦好足料，女仔食嘅话，可能叫少米线会比较好。我自己就比较钟意食清汤多啲！虽然铺仔细细，但系五脏俱全，各款嘅小食应有尽有。我最钟意食土豆丝！本来以为系一般嘅酸辣凉拌土豆丝，但原来系热食嘅。口感爽口，可以自选辣度。冰粉冰凉透心，甜度适中，消暑一流。