南小館 (已結業)

妈咪又唔煮饭！放工同屋企人系公司附近食野，因为要就我佢地选择食上海野！碎鸡好香花雕味，鸡好嫩滑！牛展面汤好清甜，佢汤系另上，咁样面就唔会浸到淋晒！仲会有一碟小伴菜-雪菜。牛展好淋、好嫩！一碗汤都有几旧。虾多士，其实我食完都唔知有虾，系家姐讲先知！佢只系一般芝麻多士味。水煮龙脷柳麻而不辣！下面配薯粉，索晒汤味，好正鱼肉好滑！！！香港第一次食到！手抓饼好有煎既香味，感觉好热气，完全食唔到其他味道！！淡！ 单骨鸡翼，味道唔错！好香脆！！带子小笼包好足料！一咬落去好多汤汁！