影片
更多
2018-06-30
2414 浏览
最近睇新闻有啲感口叹，觉得香港嘅地产霸权越嚟越严重，楼价高企、地价高昂，令到香港好多商户小食店都难以经营作为一个面包控，对于生活上所有嘅面包都会心心眼无论系港式嘅菠萝包、中式嘅菜肉包、定系欧美嘅牛角包都唔会放过。呢间喺佐敦渡船街嘅添嘅法式三文治已经有3，40年历史。佢最出名嘅当然系佢嘅越式法包。其实之前一直好想黎，但系地理位置确实唔系咁方便，佐敦地铁站行过去最少15分钟，今日因为工作嘅缘故，我终于有机会一尝佢最驰名嘅越南法包！门口装修保留着80年代嘅风格，简单嘅白底配上红色嘅招牌，推开门，里面系绿色嘅墙身装修，正正系当年最潮流嘅颜色。铺头装修好简约，唔花巧，两张细枱俾人可以堂食，餐牌都系手写嘅。店内仲同住好多报章杂志介绍，相信都风光一时下昼三点钟左右，店舖得老板一个人在场，老板都50几岁，好奇问老板，老板话佢同佢拍档轮流经营，有时都会谂过将铺头揾接班人，不过依家啲后生又怕辛苦又唔想挨，所以就未揾到。讲番正题，今次嚟到呢度除咗食佢最出名嘅越南法包，仲试咗佢嘅蒜蓉包同埋印尼虾片。越式法包（大）$74唔好以为整一个越式三文治会好快，我哋由落单到攞到上手最少等10分钟。如果你介意等嘅，咁你就去
作为一个面包控，对于生活上所有嘅面包都会心心眼无论系港式嘅菠萝包、中式嘅菜肉包、定系欧美嘅牛角包都唔会放过。
呢间喺佐敦渡船街嘅添嘅法式三文治已经有3，40年历史。佢最出名嘅当然系佢嘅越式法包。
其实之前一直好想黎，但系地理位置确实唔系咁方便，佐敦地铁站行过去最少15分钟，今日因为工作嘅缘故，我终于有机会一尝佢最驰名嘅越南法包！门口装修保留着80年代嘅风格，简单嘅白底配上红色嘅招牌，推开门，里面系绿色嘅墙身装修，正正系当年最潮流嘅颜色。铺头装修好简约，唔花巧，两张细枱俾人可以堂食，餐牌都系手写嘅。
店内仲同住好多报章杂志介绍，相信都风光一时
下昼三点钟左右，店舖得老板一个人在场，老板都50几岁，好奇问老板，老板话佢同佢拍档轮流经营，有时都会谂过将铺头揾接班人，不过依家啲后生又怕辛苦又唔想挨，所以就未揾到。
讲番正题，今次嚟到呢度除咗食佢最出名嘅越南法包，仲试咗佢嘅蒜蓉包同埋印尼虾片。越式法包（大）$74
唔好以为整一个越式三文治会好快，我哋由落单到攞到上手最少等10分钟。如果你介意等嘅，咁你就去帮衬啲大型连锁店好似「subway」𠮶啲。呢到面包即叫即烘，拎到上手热辣辣老板会问你想分几多分。切开面包，听到清脆嘅声音，面包碎散满一枱相比其他法包，佢呢度最优胜嘅系香脆！而且唔会淡，因为面包本身仲搽咗啲自家制嘅酱料。里面有扎肉、猪手、蕃茄、青瓜同埋腌萝卜，每样都亲手制造，工序繁复。
腌萝卜丝里面其实仲放咗白色木瓜丝，老板话咁样会有酸有甜更加清新！猪手好腍，肉脂比例一比一，入口唔会好难咬，而且非常出味唔会太咸。
扎肉就系叫货返嚟，将佢薄切放入包里面，带出多一个味道。
茶落面包个酱系用鸡肝自己整，不过唔会腥，咸咸的有啲似吞拿鱼酱。
不过一条大法包卖＄74问心讲就真系有啲贵
香港食越南法包嘅选唔少，按性价比黎讲，呢间唔会系第一（个人觉得荃湾小越厨更出色）
蒜蓉包 $9
蒜蓉包都系用法包切开一半，涂上自家制嘅蒜蓉烘制。老板话蒜蓉系佢哋自己磨再加啲香料整出嚟。蒜蓉香得黎唔会辣，都唔会油，有少少香草味好特别。发，法包好香脆，搽咗蒜蓉都唔会比蒜蓉整到腍从来都话香港食嘢系食地租，估唔到系呢个渡船街唔起眼嘅地方，要经营小店就会将资金转嫁比消费者。如果迟啲高铁通车相信呢度租金更加贵嘅时候，呢度嘅历史越南法包应该会更加贵
越南虾片 $12
越南直送嘅虾片，老板喺铺头自己炸，一包＄12份量唔算好多，又唔算特别脆，不过不失。作为土生土长嘅香港人，见到香港不停转变，好多值得保留嘅地方都因为地产霸权而渐渐消失，亦有好多系因为手工失传而不再存在，其实真系有啲感叹
张贴
