影片
更多
2008-09-11
14 浏览
健kin生日中午同佢食完文華嘅朱古力teabuffet~好好味!懐住愉快滿足嘅心情,諗住去南Ｙ島再食餐美味嘅海鮮餐喇！點知就.....嘢啦！本來想去嗰間酒家係喺索罟灣,不過去錯咗榕樹喎！第一次嚟南丫島見呢度都多嘢食,又好似幾旺場,算吧！就簡呢間啦！待應招呼一般~個個都coolcool哋串串哋！勝在夠快手快腳！見呢度Ｄ游水中蝦都鮮鮮哋,就叫咗,$19蚊兩(超掠水,不過算啦！)叫咗一斤呢度巳經要$304蚊,因為我鍾意有粉絲底,所以就算要加多$30蚊都照加....食嘢最緊要開心唔好太計較嘛！再叫咗豉椒炒蜆、福建炒飯同等咗45分鐘先有得食,點知一見到蒜蓉蒸開邊中蝦已經覺得離晒譜,加$30蚊先得少許粉絲,我唔會要求你俾成碟粉絲我,但都唔好少到夾兩吓就無晒~一匙羹粉絲要$30蚊太過份吧？忍唔住投訴後....個待應好串話：加咗好多啦！收你$20蚊囉！豉椒炒蜆....見到賣相已經唔惦~一pet啡漿包住蜆殼蜆肉,有沙粒無豉椒味,無蜆味！成碟得七粒蜆肉！福建炒飯....茶餐廳快餐一般~材料少,炒飯底差！$88蚊絕對揾笨！椒絲腐乳....Ｄ通菜炒到過火梅晒~都係無味兼好油膩！呢D質素連向來要求唔高嘅健ki
本來想去嗰間酒家係喺索罟灣,不過去錯咗榕樹喎！第一次嚟南丫島見呢度都多嘢食,又好似幾旺場,算吧！就簡呢間啦！
待應招呼一般~個個都coolcool哋串串哋！勝在夠快手快腳！見呢度Ｄ游水中蝦都鮮鮮哋,就叫咗,$19蚊兩(超掠水,不過算啦！)叫咗一斤呢度巳經要$304蚊,因為我鍾意有粉絲底,所以就算要加多$30蚊都照加....食嘢最緊要開心唔好太計較嘛！再叫咗豉椒炒蜆、福建炒飯同
等咗45分鐘先有得食,點知一見到蒜蓉蒸開邊中蝦已經覺得離晒譜,加$30蚊先得少許粉絲,我唔會要求你俾成碟粉絲我,但都唔好少到夾兩吓就無晒~一匙羹粉絲要$30蚊太過份吧？忍唔住投訴後....個待應好串話：加咗好多啦！收你$20蚊囉！
豉椒炒蜆....見到賣相已經唔惦~一pet啡漿包住蜆殼蜆肉,有沙粒無豉椒味,無蜆味！成碟得七粒蜆肉！
福建炒飯....茶餐廳快餐一般~材料少,炒飯底差！$88蚊絕對揾笨！
椒絲腐乳....Ｄ通菜炒到過火梅晒~都係無味兼好油膩！
呢D質素連向來要求唔高嘅健kin都話好差
現場見到原來全部都係首次幫襯嘅遊客,最重要係個個都話唔值！
食過呢間洒家如同上咗一課！
今次係最後一次同健kin過生日lu.....希望佢以後可以餐餐開開心心食好嘢啦！
张贴
