鋼管廠五區小郡肝串串香 (已結業)

期待咗呢间舖好耐，都预咗佢会比大陆贵，所以都照去试。中午时段嚟，原本以为会好似大陆咁排长龙，早早book咗枱。点知嚟到竟然见坐唔满。当下已经谂系米有啲伏伏哋...先讲佢个环境。装修得唔错，好过大陆啲串串舖好多。不过佢个设计系有问题：间舖中间有一栋矮墙将舖分成两个区域，我哋坐喺靠门口（lift）呢边。串串摆喺入边（靠窗）。两个区域只可以喺矮墙嘅两边通过，中间系行唔到嘅。即系话我哋要去攞串串一定要经过收银枱，而收银枱通常有好多人逼喺度称串串啊，畀钱啊之类（而且唔知点解佢哋服务员好钟意聚集喺收银附近）。每次行过都好似喺楼下行紧街咁，非常唔方便，尤其系当你捧住一盘嘢𠮶阵。再讲佢啲服务。内地嘅餐厅，除咗海底捞，你都唔会expect佢啲服务好得去边。虽然系咁，都唔代表你啲服务员可以喺度行行企企，见你唔到，加嘢漏单。我哋都唔知系咪唔好彩，样样试齐。跟住就食嘢啦。叫咗菇菌鸳鸯。辣𠮶边都几油几辣，系几正宗，而且辣锅越煮越辣。菇菌𠮶边就一般，正常。原本我哋想食啲串串又叫啲打边炉嘅嘢，点知个服务员自己无落单都唔知。鉴于时间关系，唯有斋食串串。招牌小郡肝系几好味，爽滑。香菜牛肉同包住旧辣椒𠮶只牛肉都几好。其他